प्रकाशित मिति: २८ पुष २०७५, शनिबार ०७:१३

– क्रिसमस टोपीबारे श्रृंखला खतिवडाले भनिन् : रमाइलो गरेको हो, धर्म प्रचार होइन
ग्रह बिग्रिएको बेला मंगलले पनि साथ दिदैन । होसको दबाई लिएर हिड्नु होला !

– इलाम नै किन रोजे डा. केसीले अनसन् स्थल
त्यहाँबाट उठाउँन हेलिकप्टर चाहियोस्, एयरपोर्टमा ओर्लेर हल्ला गर्न पाइयोस् भनेर होला !

– १० बर्ष देशका लागि काम गरेर माथि जान मन छ : प्रचण्ड
मार्क्सवादले मरे पछि माथि गइन्छ भन्ने मान्दैन, त्यसैले तपाईं तलै जनताको साथमा रहनुस् कमरेड !

– विवेकशील साझा पार्टी फुट्यो, उज्वलको नेतृत्वमा नयाँ पार्टी दर्ता
बिदेशि धन र नेपाली मन बिचको टकरावको आशंका !

-जग्गाको कित्ताकाट फुकुवा भयो
जग्गा ब्यापारीलाई मालामाल, कृषि प्रधान देशको बेहाल !

– गणतन्त्रमा मनाइयो पृथ्वीजयन्ती, राष्ट्रपति भण्डारी सहभागि
राष्ट्रपति  प्रधानमन्त्री दुबै कम्युनिष्ट हुँन, हिजो गाली गरे आज तिरे गुन !