प्रकाशित मिति: ६ चैत्र २०७५, बुधबार ०३:१२

जँड्याहा पति : ‘मेरो हातमा सरकार हुँदो हो त देशको भाग्य नै बदल्दिने थिएँ ।’

पत्नी : (हास्दै) ‘पहिले आफ्नो पेन्ट बदल्नुस्, बिहान बिहानै मेरो सुरुवाल लगाएर घुम्दै हुनुहुन्छ !’

कृष्णे : ‘पर्खिदै हैरान भएँ, किन ढिलो गरेको यार ?’

काले : ‘बाटोमा एकजनाको २००० रूपैया झरेछ क्या !’

कृष्णे : ए, तैले पनि पैसा खोज्न सघाइस् ?

काले : ‘हैन, पैसा हावाले उडाउला भनेर पैतालाले थिचेर उभिइ रहें !’

विद्यार्थी : ‘ सर, म त बितेको कुरा बिर्सिहाल्छु के गरौं ?’

गुरु : ‘एउटा कुरा भन त, तिमीलाई मैले अन्तिम पटक कैले कुटेको थिएँ ?’

विद्यार्थी : ‘गएको शुक्रबार सर !’

गुरु : ‘अनि यो कुरा कसरी बिर्सिएनौ त ?’

विद्यार्थी : ‘मलाई practical मा हैन, theory मा problem छ सर !’

उसलाई बेहोस बनाइयो र अप्रेशन गरियो । होस खुलेपछि आँखा खोल्दै विरामीले सोध्छ – ‘डाक्टर सा’ब, अब त मेरो रोग समाप्त भयो नि ?’

अँधेरो कुनाबाट आवाज आउँछ – ‘डाक्टर त धरतीमै रहे मानव, म त यमराज हुँ !’