रोहन विवाहको पार्टीमा गएर निरन्तर खाईरहेको थियो । उसलाई हेरिरहेको पार्टी प्यालेसको पाले दाई आएर सोध्छन् …

पाले : ‘तपाईँ त निकै बेर देखि खुब खाइरहनु भएको छ, सक्नेबेला भएन ?’

रोहन : ‘नखाएर के गरौं,  निमन्त्रणा कार्डमै खाने समय साँझ ७ बजे देखि १० बजेसम्म लेखेको रहेछ !’

संकेत : ( बिनाकाम बसेको विकेससँग ) ‘किन केही नगरी हात बाँधेर बसेको यार ?’

विकेश : ‘म जाडोमा कहिल्यै काम गर्दिँन  ।’

संकेत : ‘अनि गर्मीमा चाँहि के काम गर्छस् त ?’

विकेश : ‘जाडो कहिले आउँछ भनेर पर्खने !’

झिल्लु एउटा थालीमा जेरी लिएर बेचिरहेको थियो – ‘लिनुस्, लिनुस्, आलु लिनुस् ।’

डल्ले : ‘तँ जेरी बोकेर आलु भन्दैछस् ! किन झिल्लु ?’

झिल्लु : ‘अलि बिस्तारो बाेल्,  ऐले झिंगाले पच्छ्याउँछ !’