बाबु : ‘तिम्रो परिक्षा परिणाम कस्तो रह्यो छोरा ?’

छोरो : ‘एउटा खुशीको कुरा आयो र अर्को दु:खको ! कुन पहिला भनौं ?’

बाबु : ‘खुशीको कुरा पहिला भन ।’

छोरो : ‘म पास भएँ नि !’

बाबु : ‘स्याब्बास् ! अनि दु:खको कुरा ?’

छोरो : ‘खुशीको कुरो नै झुटो हो बुबा !’

चंखे र प्याकुली विश्वभाषा क्याम्पस गएछन्..

शिक्षक : ‘भन्नुस, के होला तपाईँको ?’

चंखे : ‘हामी दुबैजना अफ्रिकन भाषा सिक्न चाहान्छाैं ।’

शिक्षक : ‘अफ्रिका जाने तयारीमा हुनुहुन्छ ?’

चंखे : ‘हैन सर, हामीले अफ्रिकन बच्चा ल्याएका छौं, उनिहरु बोल्न थालेपछि कुरा गर्न !’

डाक्टर : (दुर्गेशसँग) ‘तपाईँ किन सधैं क्लिनिक अगाडीबाट महिलालाई घुमि घुमी हेर्नु हुन्छ ?’

दुर्गेश : ‘तपाईँले नै नोटिस बोर्डमा लेख्नु भएको छ, महिलालाई हेर्ने समय विहान ९ बजे देखि ११ सम्म !’