ओली मौन, प्रचण्ड र माधव नेपाल रक्षात्मक
ओलीले मौनताबाट शक्ति आर्जन हुन्छ भन्ने बुझेका हुनसक्छन् !

बाँस्कोटाको बचाउ गर्दै प्रधानमन्त्रीले भने- ‘सरकारलाई बद्नाम गर्ने प्रयास भयो ।’
प्रयास कसको तर्फबाट भन्दा।संचारमन्त्रीको तर्फबाट ।

ओलीलाई भेटेर शेखर कोइरालाले भने- ‘राजीनामा दिनुस् ।’
जवाफमा ओलीले भने – ‘जाँतोलाई भन्दा हातलाई खसखस् हुनु राम्रो होइन !’

खतिवडाले मुस्कुराउँदै भने- ‘२१ गते सपथ छ, त्यो दिन फेरि तपाईंहरूसँग भेट हुन्छ ।’
अर्थात् मिले मन्त्रीको रुपमा, नमिले जन्तीको रुपमा अवश्य भेट हुन्छ !

‘पार्टीमा भूमरी पर्ने, भत्किने, फुट्ने भइरहन्छ ।’ -प्रचण्ड
अर्थात्, कार्यकर्ताले सधैं यस्ता अनिष्ट भोग्न तयार भएर बस्नु पर्छ !

कोरोनाभाइरसको विश्वव्यापी सङ्क्रमणविरुद्धको लडाइँ ‘अब निर्णायक चरणमा’
भ्यागुत्ताको धार्नी कहिल्यै नपुगे झैं चिन, इरान, इटाली, कोरिया उफ्रेको उफ़्रेइ छ, सजिलो होला के ?

पुस्तकमा कर: विवादबारे थाहा पाउनुपर्ने तीन कुरा
स्वदेशी पुस्तकमा तहगत २० प्रतिशत नाफाको वानी परेकालाई बिदेशी पुस्तक आयातमा समस्या !