मंसिरको चुनाव सँगै आथ्यो समृद्धि,

प्रचार प्रसार, आश्वाशनमा छाथ्यो समृद्धि !

सँगै लडे, पार्टी मिले सुन्दै समृद्धि,

एक छत्र चुनाव जिते गुन्दै समृद्धि !

गणतांत्रिक सरकार बन्यो छायो समृद्धि,

मन्त्रीजीको भाषण बनी आयो समृद्धि !

उड़ने कार, गुड़ने रेलको कुरा समृद्धि,

काठमाण्डौ खाल्डे सडक पुरा समृद्धि !

हेर्दिँन म, पढ्दिँन म भाग्ने समृद्धि,

मेयर देख्दै कुरी कुरी लाग्ने  समृद्धि !

गफै गफका गफास्टकले खायो समृद्धि ,
ढाँटको निम्तो खाई पत्याउने आयो समृद्धि !

सिन्डिकेट, भ्रस्टाचार सुनकाे समृद्धि,

कारवाही भन्ने आफैं खाने घुनको समृद्धि !

होला होला भन्दाभन्दै आशको समृद्धि,

बलात्कार, अपहरण, त्रासको समृद्धि !

हात्ती गयो  स्याल आयो हुईयाँ समृद्धि,
आयो आयो नेपालमा फुइयाँ  समृद्धि!