पत्याउनोस् नपत्याउनोस्, आलुले पनि गर्छ नमस्कार
प्रकाशित मिति: २९ भाद्र २०७५, शुक्रबार १५:११
कतिपय हाकिमलाई कर्मचारी र सेवाग्राहीले नमस्कार गर्दा नमस्कार नफर्काउने हुन्छन् । कोही कोहीचाहिँ हाकिम हुनु पर्दैन यसै उसै नमस्कार नफर्काउने कोटीका पर्दछन् । खरिदारदेखि मन्त्रालयका सचिव अनी घरमा झोलैझोलको तरकारी खाने झोला कार्यकर्तादेखि विभिन्न आयोजनाका गाडीलाई व्यक्तिगत काममा प्रयोग गर्ने नेतासम्म नमस्कारबाट तर्सिएका पाइन्छन् ।
आफूलाई ठालु ठान्नेहरुलाई आलुसँग तुलना गरेर आलुको मूल्य किन घटाउनु भन्ने पनि लाग्छ कहिलेकाहीँ त । तथापी नेपालमा आलु भन्नेबित्तिकै तल्लो स्तरको भन्ने जनाउने हुनाले तिनलाई आलुकै उपमा दिइराखुँ ।
त्यस्ता आलुवाला ठालुहरुलाई कसैले दुई हातै जोडी नमस्कार गर्दा टाउको हल्लाउने तथा आँखा जुधाउने गरेको देखिन्छ । कोही कोही त नमस्कार फर्काउँदा ठूलो शास फेरेर नमस्कार फर्काउँछन् जस्तो लाग्छ । उनले मात्रै थाहा पाउने गरी उनैले फेरेको श्वासको कम्पन नाप्ने मेसिन कहाँ खोज्नुपर्ने हो ।
मुन्टो उठाएर पनि नहेर्ने आलुवाला ठालुका अगाडी आफैं पनि हरेक दिन आलु भएर नमस्कार गरिराख्नु पर्ने हो कि !
चौथो दिन ती आलुलाई नमस्ते गर्दै नगरी अघी बढे । पाँचौं दिन आलुले भेटेर भन्योः “नमस्ते गर्न नि कत्ति गाह्रो ?” यी स्वघोषित ठालुहरुलाई अझै नमस्कार गरेर नेपाली सँस्कृतिको नमस्कार बद्नाम नगराइयोस् । शोषण गर्ने ठालुहरुलाई नमस्कार गर्नुभन्दा पोषण दिने आलुलाई नमस्कार गर्नु बेश होला । धन्यवाद, नमस्कार ।